Bericht von Lucie Portner / 30.11.2022

Cupspiu gägä d 2 Liga ds heimernis nid la entgaa!

chli mit angscht u bange simer letscht mäntig widermau uf der mattä gstangä

d'2 Liga Solothurn isch üs vis-à-vis gsy u mir hei dänkt dä match geit de schnäu verbii

20:30 het der schiri apfiffä u mir hei aui wiud um üs griffä

d abnahme chli hie und da, üsi passeuse hets nid immer eifach gha

u gliich isches besser gangä aus erwartet u mir si zimli guet gstartet

dr erscht satz heimer zwar knapp müessä dä gägner überlaa aber so schnäu heimer sä de doch nid la heigaa

dr zwöit satz isch a üsgangä im dritte heimernis de wider chli la hangä

im vierte heimer no mau richtig kämpft u dä gägner keni pünkt gschänkt

u wi so oft i derä saison scho isches de zumnä 5 sätzer cho

venga venga aber es cha äbä o nid geng guät ga

d Trubäzucker hei am schluss o nümmä ghoufä U mir hei de mitere 13:15 niderlag vom spiufäud müessä loufä

iz möchti aber ono die erwähnä wo si cho jublä u cho fähnä!

merci heit dir üs unterstützt o wes schlussändläch nümä het gnützt

dr cup geit iz zwar oni üs wiiter derfür simer aui chli fitter

u trotz auem simer de stouz u zfride hei wöu sones spiu machtsech nid vo elei